తెలంగాణ మహిళల పట్ల రేవంత్ రెడ్డి సర్కార్ మంచి మాటను తెలిపింది. ప్రస్తుతం, ప్రభుత్వం విజయవంతంగా ఉచిత బస్ రైడ్ కార్యక్రమాన్ని ప్రవేశపెట్టింది మరియు ప్రతి మహిళకు నెలవారీ రూ.2,000 సబ్సిడీ మరియు గ్యాస్ సిలిండర్ వంటి పథకాలను త్వరలో ప్రారంభించనుంది. ఈ క్రమంలోనే…. మరో శుభవార్త తెలిపింది… డ్వాక్రా సంఘంలోని మహిళలకు వడ్డీలేని రుణాలను త్వరలో పునరుద్ధరిస్తామని ప్రభుత్వం ప్రకటించింది.
ఈ విషయాన్ని డిప్యూటీ సీఎం భట్టి విక్రమార్క ప్రకటించారు. భట్టి విక్రమార్క మాట్లాడుతూ ఆశా వర్కర్లు చాలా కాలంగా జీతాలు చెల్లించడం లేదని ఆవేదన వ్యక్తం చేస్తున్నారు. వారికి జీతాలు అందేలా కృషి చేస్తానని హామీ ఇచ్చారు.అంతేకాకుండా గిరిజనుల అభివృద్ధికి ప్రత్యేక కార్యక్రమాలు కూడా సిద్ధం చేశామని భట్టి చెప్పారు.
గత బీఆర్ఎస్ ప్రభుత్వం హయాంలో రాష్ట్రంలోని మహిళా స్వయం సహాయక సంఘాలకు వడ్డీలేని రుణాలు అందజేస్తామని హామీ ఇచ్చిందని, అయితే దానిని నెరవేర్చడంలో విఫలమైందని భట్టి విక్రమార్క విమర్శించారు. అంగన్‌వాడీలు, ఆశా వర్కర్లు, స్వయం సహాయక బృందాలు, దినసరి వేతన కార్యకర్తలు, రెండో ఏఎన్‌ఎంలకు ప్రతినెలా ఒకటో తేదీన జీతాలు, బిల్లులు చెల్లించేందుకు ఏర్పాట్లు చేసినట్లు భట్టి తెలిపారు.
